Mbrëmjen e sotme, në orën 20:45, skuadra e Barcelonës do të presë në “Camp Nou” Juventusin për të vendosur përfundimisht se cila do të jetë skuadra që do kualifikohet për gjysmëfinalen e Champiosn League.
Djemtë e Luiz Enrique do të kenë një mision të vështirë për të përmbysur rezultatin 3-0 të ndeshjes së parë.
Është e përditshmja katalanase “Sport” e cila ka publikuar formacionet e mundshme të dy skuadrave ku ajo që bie në sy është formacioni i Juventusit.
Suksesi në “Juventus Satdium” e ka detyruar Allegrin që të mos ndryshojë skemën taktike. Askush nuk e priste këtë Juventus sulmues pasi të gjithë prisnin që “Zonja e Vjetër” të pozicionohej në mbrojtje të rezultatit.
