Banorët e zonës së Thumanës kanë dalë në protestë paraditen e sotme duke bllokuar punimet e rrugën Thumanë-Kashar.
Shkak i kësaj proteste janë bërë nënkalimet që lidhin autostradën me fushat e Thumanës.
Sipas banorëve nënkalimet e lëna nga firma e ndërtimit janë të pakalueshme nga mjetet bujqësore.
Ata thanë se nënkalimi është i kalueshëm vetëm nga ndonjë automjet dhe biçikletë.
“Jemi në këtë protestë, kemi dalë dhe shumë herë por nuk na kanë dhënë rrugëzgjidhje. Për çfarë arsye na pezullojnë punimet në tokat tona. Nuk ka rrugë për të shkuar te toka”, tha një qytetar.
Banorët e Thumanës kërkojnë që shteti të marrë masa.
“Krejt në burg duhet të hynë. Shihni urën si është për faqe të zezë. Ku do kalojmë ne? Këta inxhinierë duhet të futen të gjithë në burg”, tha një tjetër banor./Opinion.al
