Ministrja e Energjisë dhe Infrastrukturës Belinda Balluku tha në një dalje në emisionin “Opinion” se gjendemi në një situatë emergjence dhe për këtë arsye shtetit i duhet të kontrollojë çmimet në treg. Balluku tha se shteti nuk ka të drejtë të kontrollojë një ekonomi tregu, por situata ku jemi e detyron shtetin për të hyrë në treg.
“Shteti nuk ka të drejtë të kontrollojë në një ekonomi tregu, por ne gjendemi në një gjendje emergjence. Kjo nuk është një gjendje e jashtëzakonshme për momentin akoma, por sidomos sektori i naftës dhe gazit… Dhe nëse bazohet në aktet nënligjore që ne kemi, situata ku jemi e detyron shtetin në të mirë të konsumatorit për të hyrë në treg”, tha Balluku ndërsa shtoi se qeveria ka detyrë të mbrojë konsumatorin./Opinion.al
