Drejtuesi Politik i Partisë Socialiste në qarkun e Elbasanit, Taulant Balla tha gjatë një interviste se pjesëmarrja në votime në këtë qark, ka qenë po aq sa pritshmëritë e socialistëve.
Duke u bërë thirrje votuesve dhe mbështetësve të tij, që të votojnë në kohën që ka mbetur, ai tha në News 24, se me këtë pjesëmarrje duhet të ishte renditur i 9-ti dhe jo i 8-ti.
“Ju më thatë je tek vija e zjarrit tek 8. Me këtë pjesëmarrje të lartë duhej të isha tek 9. Pjesëmarrja do të shkojë mendoj në një nivel prej 160 mjijë votuesish, aq sa kanë votuar edhe në vitin 2017. Rreth 47% do të jetë pjesëmarrja në fund të votimit”, tha Balla./Opinion.al
