Përjashtimi i deputetëve nga grupi parlamentar i Partisë Demokratike ka bërë që të fillojnë edhe debatet në Kuvend.
Në këtë debat është përfshirë edhe kryetari i grupit parlamentar i Partisë Socialiste, Taulant Balla i cili tha se është e drejta e grupeve parlamentare të përjashtuar.
“Në këtë sallë janë njoftuar historikisht vendimet e grupeve parlamentare. Me vendim të grupeve janë përjashtuar Spartak Ngjela, Gilman Bakalli. E drejta e grupit parlamentar për të përjashtuar dikë, është ekskluzive. Nga ana tjetër, nuk ekziston koncepti i pezullimit. O je, o nuk je në një grup parlamentar. Do t’i kërkoja që grupi parlamentar i PD ta adresojë këtë çështje”,-tha Balla.
