Kreu i grupit parlamentar të PS, Taulant Balla ka dhënë një deklaratë për mediat pas takimit me presidentin Bajram Begaj për datën e zgjedhjeve vendore.
Balla tha se zgjedhjet mund të zhvillohen brenda afatit 15-Prill-15 Maj ndërsa shtoi se palët duhet të respektojnë kompetencën e presidentit.
“Palët duhet të respektojnë pikë së pari kompetencën presidentit, Pasi është ai që ka kompetencë dhe të përcaktojë se cila do të jetë data e zgjedhjeve. Zgjedhjeve mund të zhvillohen brenda afatit 15 prill, 15 maj, duke marrë parasysh ndonjë ditë që mund të jetë festë zyrtare. S’kemi qenë të prerë në një propozim tonin apo sugjerim për një datë të caktuar, pasi besojmë se presidenti duhet të marrë në konsideratë të gjitha propozimet. PS është e gatshme që të marrë pjesë në zgjedhje, dhe t’i fitojë ato në secilën datë që do donte presidenti. Ajo që vërej, një vlerësim maksimal, gatishmëria e presidentit për të dëgjuar të gjitha palët.”-tha Balla.
Më tej ai theksoi: “Jam i sigurt për një rezultat të shkëlqyer të PS në këto zgjedhje”.
