Numri dy i Partisë Socialiste merr në mbrojtje deputeten Rudina Hajdari, e cila nuk pranoi të dorëzojë mandatin. Taulant Balla në një intervistë për Abc Neës tha se fjalët e Hajdarit në intervistën e dhënë për Zërin e Amerikës ishin inspiruese. Zonja Hajdari tha se nuk pranoi të dorëzonte mandatin, pasi sipas saj vendimi i marrë nga opozita është destabilizues për vendin.
“Unë nuk kam asnjë dyshim që gjithë ajo çka tha Hajdari ekziston. Jemi në një situatë ku të gjithë e kuptojmë se ka filluar një proces zëvendësimi i mandateve të opozitës. Me deputetët e rinj të opozitës në Kuvend të mërkurën bëhen 9 apo 10 deputetë të opozitë dhe jo një grup por mund të këtë dy grupe të deputetëve të opozitës në Kuvend dhe besoj se do kemi një dialog me ta. Janë të shumta ata që do të dalin përtej interesave të momentit të lidershipit të PD dhe LSI. Fjalët e zonjës Hajdari janë inspiruese”.
Më tej ai është shprehur i bindur se PD dhe LSI do të hyjnë në zgjedhjet lokale të muajit Qershor. I pyetur nëse ka pasur kontakte me përfaqësues të opozitës pas vendimit për djegien e mandateve, Balla tregoi një bisedë që kishte pasur me një ish-deputet demokrat.
“Pa ia thanë emri por një ish-deputet me profil të lartë politik para dy ditësh më tha me të drejtë se në partinë time presin që tu jepet pushteti në tavolinë. Kur e thotë një ish-deputet me profil të lartë politik në PD është për të ardhur keq”./Opinion.al
