Kreu i grupit parlamentar të Partisë Socialiste, Taulant Balla, i është përgjigjur nëkryetarit të CDU-CSU në Budestag, Johann Wadephul, i cili ka shprehur keqardhjen që marrëveshja e 5 qershorit për Reformën Zgjedhore nuk është kodifikuar ende dhe cilësoi ndryshimet kushtetuese për hapjen e listave dhe heqjen e koalicioneve si prishje të kësaj marrëveshjeje.
Balla reagoi në Twitter-in e Wadephul duke shkruar: “Partia Socialiste po punon fort për të arritur një marrëveshje me të dyja opozitat. Nesër do të ecim përpara me Marrëveshjen e 5 Qershorit dhe do të komplementojmë punën me demokratizimin e mëtejshëm të zgjedhjeve duke hapur listat në mënyrë që njerëzit të zgjedhin partinë dhe një kandidat. Partia Socialiste meriton vlerësim për këtë”.
@JoWadephul SP is working hard to make a win-win agreement with both oppositions! Tmrrw we push forward #June5thagreement & complement the work with further democratization of elections by opening the lists so people pick the party & a candidate! SP deserves praise for that????? https://t.co/YcmkWXTGJB
— Taulant Balla (@taulantballa) July 14, 2020
Zv.kryetar i Grupit të CDU-CSU në Bungestag Johann David Ëadephul ka reaguar ashpër pas miratimit të ndryshimeve kushtetuese në Komisionin e Ligjeve, lidhur me hapjen pjesërisht të listave dhe ndalimin e koalicioneve parazgjedhore. Ai e ka konsideruar këtë prishje të marrëveshjes së arritur më 5 qershor dhe 14 janar. Sipas Ëadephul, miratimi i Kodit të ri Zgjedhor sipas marrëveshjes së 5 qershorit është ajo çka kërkohet nga Bundestagu ndërsa një ndryshim i kushtetutës do të ishte shkelje e marrëveshjes. Nëse këto ndryshime kalohen ai thotë se Bundestagu do të aprovojë konferencën e parë ndërqeveritare për Shqipërinë që i hap rrugë nisjes së procesit të negociatave./ Opinion.al
