Është shtyrë për herë të katërt seanca e deputetit të PD dhe të pandehurve të tjerë për çështjen “Babale”.
Gjykata e Apelit Tiranë ka zëvendësuar avokatin e Jetmir Olldashit, Indrit Sefa, me avokaten Gëzime Buci, për shkak se Sefa mungonte në seancën e sotme.
Gjykata e cilësoi sjelljen e tij jo korrekte, për shkak se duhet ta dinte udhëtimin dhe ta paracaktonte prej kohësh. Seanca u shty për në datën 19 dhjetor, ora 13:00.
Deputeti i PD, Salianji kundërshton dënimin me 1 vit burg, marrë në shkallën e parë si i pandehur i të ashtuquajturës dosja “Babalja”.
Të pandehurit në këtë dosje, Fredi Alizoti, Albert Veliu dhe Jetmir Olldashi u fajësuan nga Shkalla e Parë e Tiranës në dhjetor 2019 për “kallëzim të rremë”. Sipas gjykatës, ata inskenuan një audio-përgjim, ku pretendojnë se Geron Xhafaj, vëllai i ish-ministrit Fatmir Xhafaj, diskutonte për çështje droge.
