Ish-deputeti i PD Ervin Salianji, ka reaguar pas gjyqit të mbajtur sot në Tiranë në lidhje me rastin “Babalja”, ku Prokuroria kërkoi dënimin e tij me 1.6 vite burg.
Përmes një postimi në rrjetet sociale, Salianji shprehet se askush nuk e ndal dot në këtë betejë, kurse shton se lufta pa kompromis vazhdon.
Ish-deputeti shprehet se çështja për të cilën po lufton, bëri që të largohet ish-ministri Fatmir Xhafaj, të burgoset Agron Xhafaj si dhe të ikin disa prokurorë e gjyqtarë.
Postimi i Ervin Salianjit:
Askush nuk më ndal dot!
Lufta pa kompromis për të vërtetën dhe të drejtën përherë triumfon siç ndodhi dhe në këtë rast me largimin e ish Ministrit të Brendshëm Xhafaj, burgosjen e nje trafikanti Xhafaj dhe largimin nga vetingu të tre prokurorëve Osmani, Kulluri, Bajrami dhe dy gjyqtarëve të krimeve te renda Baku dhe Përnoca qe mbajtën në këmbë këtë farsë që pamë sot!
Hilet, tradhëtitë, pabesitë dhe joshjet me para, pushtet apo kalim vetingu janë shumë të përkohshme.
Beteja të tjera na presin 🇦🇱💪🏻/Opinion.al
