Gjykatat e Tiranë ka vendosur të lirojë nga burgu, Fredi Alizoti, i cili ishte një nga personat e përfshirë në çështjen “Babalja”. Gjykata vlerësoi sot se Alizoti ka përfunduar dënimin prej dy vitesh burgim.
Ai u akuzua se imitoi zërin e Geron Xhafaj, vëllait të ish-ministrit të Brendshëm në dosjen ‘Babalja’. Kujtojme se në dhjetor te vitit 2019, gjykata e Tiranës vendosi deklarimin fajtor të Fredi Alizoti dhe dënimin e tij me 2 vite burg.
Në të njëjtën kohë u shpall deklarimi fajtor i ish-deputetit të PD Ervin Salianjit me 1 vit burg, si dhe deklarimin fajtor të Jetmir Olldashit dhe dënimin me 6 muaj burgim dhe pezullimi i dënimit me shërbim prove duke kryer 100 ore pune ne shërbim publik.
Ndërkohë për Albert Veliun i njohur edhe me nofkën Babale gjykata në po të njëjtën seance shpalli dënimin e tij me 3.5 vite burg.
Çështja e njohur si “Babale” u bë një temë e nxehtë e politikës shqiptare, duke e bërë situatën më të polarizuar, pasi opozita pretendonte se ish-ministri i Brendshëm Fatmir Xhafaj kishte mbrojtur vëllanë e tij, Agron Xhafaj, të dënuar me 7 vjet e 4 muaj burg në Itali.
Pasi u publikua audio-përgjimi, Agron Xhafaj u dorëzua tek autoritetet italiane dhe është në qeli, ndërsa Prokuroria nisi paralelisht një hetim. Opozita tha se këto hetime bëhen për të mbrojtur trafikantët e drogës dhe për të kërcënuar ata që kanë kurajon të denoncojnë./ Opinion.al
