Një baba kishte hyrë me pistoletë në spital për të ndaluar mjekët që po i hiqnin aparaturën djalit të tij që qendronte prej muajsh në koma. Gjatë tre orëve që zgjati kjo procedurë djali i tij lëvizi dorën.
Kjo ishte shenjë që truri i tij nuk kishte vdekur dhe se po shërohej për tu bërë më mirë.
George Pickering II, është paditur për armëmbajtje pa leje dhe kërcënim ndaj stafit në Qendrën Mjekësore Rajonale në Teksas.
Mjekët kishin deklaruar se djali i tij George III, nuk kishte mundësi të jetonte pasi truri i tij kishte pushuar së funksionuari kështu mjekët treguan se duhet ta largojnë nga aparatura me të cilën qëndron në jetë.
I ati nuk mundi ta durojë këtë gjë. “Ata po vepronin shumë shpejtë. Spitali, infermierët, doktorët”, u shpreh ai.
Gjatë këtyre tre orëve, Pickering filloi t’i kërcënojë anëtarët e stafit të spitalit. Ai ka pranuar se ishte i dehur dhe agresiv por është shprehur se ishte i bindur që djali i tij nuk mund të vdiste.
Pickering u bind edhe më tepër që djalit të tij nuk i ishte dhënë diagnoza e duhur. “Gjatë atyre tre orëve, George ma shtrëngoi dorën tre apo katër herë”, u shpreh i ai.
E si duket ai kishte plotësisht të drejtë, pasi tani George është plotësisht i shëruar. “E di që është thyer ligji, mirëpo babi im e ka thyer për një arsye të mirë”. “Unë jam gjallë për shkak të veprës së tij. Ishte vepër dashurie, ishte dashuri”, u shpreh djali i tij George III Pickering.
