Komisioni i Pavarur i Kualifikimit mori edhe një javë kohë për të shqyrtuar disa dokumente që kishte paraqitur gjyqtarja Altina Xhoxhaj për justifikimin e pasurisë së saj, por duket se komisioni nuk u bind dhe vendosi sot ta shkarkojë nga detyra.
Sakaq, avokatja e gjyqtares u shpreh se KPK nuk dha argumentet pse u shkarkua, por u tha se brenda 30 ditëve është e drejta për tu ankuar në Kolegjin e Apelimit.
“Ka bërë deklarim të plotë dhe sipas ligjit për kontrollin e pasurisë nuk ka pasur deklarim të rremë apo të pasaktë, ka kaluar testin sipas atyre që kem i dorëzuar në dosjen përkatëse. Ligji parashikon dhe apelimin, kështu që do përdorim të gjitha mjetet ligjore për të ndjekur të gjithë procesin dhe jemi me bindje të plotë që do të kalojë”, thotë avokatja mbrojtëse e Xhoxhajt.
