Avokati i njohur Neshat Fana që sëfundmi në mbrojtje ish-drejtorin e Përgjithshëm të Rrugëve, Andi Toma I arrestuar për abuzime në tender ka deklaruar se arrestimi është bërë në shkelje flagrante të ligjit. Ai u zotua se do të bëjë kallëzim penal për prokuroren dhe gjyqtaren, që kanë vendosur arrestimin e Andi Tomës. “Kemi të bëjmë me një sjellje kriminale të policisë. Me një papërgjegjshmëri dhe shkelje të ligjit nga ana e gjykatës dhe prokurores, të cilat kanë dhënë vendim të paarsyetuar sipas ligjit, për të cilat unë nuk do le gjë pa bërë. O do i çoj për përgjegjësi penale atë prokurore dhe atë gjyqtare, o s’ka! Do vdes unë ose do lë licencën. Ata njerëz do i çoj para përgjegjësisë, o s’ka!”, u shpreh Fana për gazetën Panorama.
Të abuzosh me ligjin për interesa politike, për qejfe “peshqish të mëdhenj” apo të vegjël, vetëm në këtë vend gjen. Arrestimi është në mënyrë flagrante në shkelje me ligjin dhe unë pres nesër të marr materialet, do shkoj në gjyq dhe do ndjek procedurat. Por unë do kallë zoj penalisht edhe prokuroren dhe gjyqtaren sepse kanë shkelur në mënyrë flagrante kërkesat e ligjit që janë ndryshuar së fundmi me Reformë në Drejtë si. I kanë shkelur në mënyrë flagrante dhe do t’i diskreditoj publikisht dhe nuk do t’i lë gjë. Sepse nuk munden të dhunohen njerëzit në këtë farë feje”, ka deklaruar Neshat Fana.
Ish-drejtori i Rrugëve në kohën e qeverisjes së PD është arrestuar mbrëmjen e së enjtes në Tiranë për shkelje në tendera dhe abuzim me detyrën. Bashkë me të është arrestuar edhe pasardhësi i ti, ish-drejtori i LSI, Dashamir Xhika. Hetimet janë kryer nga prokuroria e Elbasanit dhe konrektisht nga prokurorja, Armanda Xhaferi dhe vendimi është marrë nga gjyqtarja e Elbsanit, Idushe Maliqi.
