Të paktën 17 persona mbetën të vrarë dhe 12 të tjerë u plagosën pasi një avion i vogël ushtarak u rrëzua në një zonë banimi, në afërsi të qytetit Ravalpindi në Pakistan.
Pesë anëtarë të ekuipazhit dhe 12 civilë janë mes personave që kanë humbur jetën. Avioni King Air 350 ishte në një fluturim stërvitor kur u rrëzua dhe shkaktoi zjarr nëpër disa shtëpi.
Nuk dihen ende shkaku i rrëzimit të avionit.
Në Ravalpindi – afër kryeqytetit Islamabad – ndodhet selia e ushtrisë pakistaneze dhe avioni i përkiste njësisë së aviacionit të ushtrisë.
Kryeministri i Pakistanit, Imran Khan, tha se shpreh hidhërimin e tij për të vrarët dhe të plagosurit.
