Një tjetër shqiptar është vrarë në burgun grek, Koridhalos. Lajmin për vdekjen e shqiptarit e kanë konfirmuar dhe autoritetet .
Ngjarja ka ndodhur 27 Janar 2019, ku një 33-vjeçar shqiptar u gjet i vdekur në qelinë e tij. Në lidhje me vdekjen shqiptarit, mediat greke shkruan se 33-vjeçari ka gjetur vdekjen për shkak të mbidozës së lëndëve narkotike.
Por, nga verifikimet e kryera nga autoritetet, rezulton se shqiptari i identifikuar B.Tusha ka gjetur vdekjen nga mbytja. Ky është rezultati i autopsisë, sipas mediave greke.
Mediat kanë vijuar shkrimet për shqiptarin, duke theksuar se Tusha ishte pjesë e “mafies së burgut”, që drejtohej prej Klodian Lekocaj. Ndërkohë, dyshohet se ka qenë pikërisht Klodian Lekocaj, ai që ka dhënë urdhër për vrasjen e 33-vjeçarit.
B.Tusha është arrestuar për shkak se ndihmoi dy të dyshuarit që ekzekutuan avokatin grek Mixaleis Zafeiropoulos.
Sipas mediave helene Klodian Lekocaj ka dashur që të komunikoj dhe me mediat për vrasjen e 33-vjeçarit, duke aluduar se ai humbi jetën për shkak të helmimit.
Kujtojmë se vetëm pak ditë para vrasjes së Tushas, në burgun Koridhalos u ekzekutua shqiptari Arbër Bako, i cili po ashtu ishte pjesë e organizatës së Klodian Lekocaj./ Opoinion.al E.Xh.
