Një mori reagimesh shpërthyen në “Upton Park”, të shtunën kur Dimitri Payet realizoi golin e tij nga një goditje dënimi duke kapërcyer murin prej tetë futbollistësh të Crystal Palace.
Të gjithë e prisnin, por futbollistët e Crystal Palace ishin të pafuqishëm për ta ndalur atë.
Gjithsesi, ai ekzekutim i goditjes së dënimit është shndërruar në një shqetësim që po përflitet nëpër korridoret e fuqishme dhe FIFA ka vendosur të reagojë duke ndërmarrë masa drastike.
Presidenti i FIFAs, Gianni Infantino deklaroi: “Ideja e një goditje dënimi është ndëshkimi i gjyqtarit në adresë të ekipit mbrojtës, për ndërhyrjen e parregullt që ai ndërmerr ndaj ekipit sulmues, në tentativë për të frenuar realizimin e golit.
Gjithsesi, kur goli nga goditja e dënimit shndërrohet në një fakt të sigurtë, atëherë ai nuk është më futboll”.
Aq i pandalshëm konsiderohet Payet, sa që mendohet se as muri me 30 futbollistë nuk e ndal dot.
“Nëse kjo gjë do të vazhdojë, atëherë ju do të shihni futbollistë që refuzojnë të ndërhyjnë, duke lejuar sulmuesit që të ecin drejt portës, për të shënuar, në vend që të shkaktojnë faull për goditje dënimi. Për këtë arsye ne kemi vendosur që ekipi mbrojtës do të lejohet që të
aktivizojë në fushë 20 futbollistë më shumë, çdo herë që do të akordohet goditje dënimi në favor të West Ham”, raportohet të ketë deklaruar Infantino.
Vetëm një autobus dy katësh mund të pengojë Payet që të shënojë nga goditja e dënimit.
Ndërkohë, një deklaratë e një grupi të organizuar citon:“Një futbollist si Payet nuk do të mund të ndalet nga një mur prej 30 futbollistësh. Ne po kërkojmë nga z. Infantino që të prezantojë një ndryshim të vërtetë dhe të lejojë ekipin mbrojtës që të fusë në fushë një autobus dy katësh, sa herë që Payet do të ekzekutojë një goditje dënimi”.
[fbvideo link=”https://www.facebook.com/Soccer.Manager/videos/10153607011950888/” width=”500″ height=”400″ onlyvideo=”1″]
