Pasditen e kësaj të marte kanë qenë përfaqësueset e Grupit D të Kampionatit Evropian të futbollit, ato që kanë përfunduar xhiron e fundit, të fazës së grupeve, me Austrinë, Francën dhe Holandën, të cilat siguruan kualifikimin për më tej.
Austria ka arritur një fitore të madhe duke mundur “Tulipanët” e Holandës, me rezultatin 2-3, në një sfidë që rezultoi të ishte spektakolare e plot emocion. Një autogol i Donyell Malen, i shoqëruar nga golat e Schmid e Sabitzer mjaftuan që djemtë e Ralf Rangnick, të kalonin me sukses Holandën, për të cilën shënuan Cody Gakpo e Memphis Depay.
Në krahun tjetër, “Gjelat” francezë nuk kanë shkuar më shumë se barazimi 1 me 1, me kapitenin Kylian Mbappe, që shënoi golin e parë për skuadrën e Deschamps, ndërsa për të barazuar shifrat mendoi “bomberi” polak, Robert Levandoëski.
Falë këtyre rezultateve ka ndryshuar edhe renditja në Grupin D, teksa përfundimisht kalon në krye të grupit Austria, që ia kanë dalë të pozicionohet në vendin e parë, ku ka arritur 6 pikë, 1 më shumë se Franca dhe 2 më shumë se Holanda, që pritet të kalojë si një prej vendeve të treta më të mira, ndërsa në vendin e fundit është Polonia me 1 pikë.
