A keni nisur ta ndjeni atmosferën e Krishtlindjeve dhe të Vitit të Ri që tani? Me siguri që do të nisni ta ndjeni pasi të shihni këtë pemë Krishtlindjesh me 518,838 drita, e krijuar nga australiani David Richards, në Canberra.
Nisma e ndërmarrë nga fondacioni ‘SIDS and Kids ACT’ arriti të thyente rekordin e vitit 2015, i vendosur nga ‘Universal Studios Japan’, pema e të cilëve kishte 374,280 drita. Kjo nuk është hera e parë që David fiton një ‘Guinnes’. Në vitin 2013 ai e dekoroi shtëpinë e tij me më shumë se 500 mijë drita, duke shënuar një rekord.
“Ka qenë një nismë mjaft impenjuese, ku janë përfshirë arkitektë, elektricistë, inxhinierë, dizajnues dhe një armatë e tërë vullnetarësh nga fondacioni ‘SIDS and Kids ACT’”, shkruan Richards në një status në rrjetet sociale.
