Një automjet është djegur mesnatën e mbrëmshme në qytetin e Vlorës në zonën e Ujit të Ftohtë.
Lajmi është bërë i ditur nga policia e cila është njoftuar për ngjarjen përmes një telefonate anonime nga një qytetar.
Burimet zyrtare të policisë bëjnë me dije se makina tip ‘Audi’ ishte në pronësi të një të riu nga Tirana, por i ishte lënë në ruajtje kunatit të tij në Vlorë, por nuk japin detaje për aryset e ngjarjes.
Ky është rasti i dytë brenda pak kohësh i djegies së një mjeti në qytetin e Vlorës.
Njoftimi i policisë:
Më datë 26.11.2017, rreth orës 01:45, Salla Operative Vlorë është njoftuar nga një telefonatë se në lagjen ”Uji i Ftohtë”, ka marrë flakë një mjet.
Policia dhe shërbimi zjarrfikës kanë shkuar pranë vendit të ngjarjes ku kanë bërë të mundur edhe shuarjen e flakëve.
Nga verifikimi paraprak ka rezultuar se mjeti tip ”Audi” është në pronësi të shtetasit G.R.,banues në Tiranë por ia ka lënë në ruajtje dhe e mban në përdorim kunati i tij shtetasi J.M., 25 vjeç, banues në Vlorë.
Për shkak të flakëve të zjarrit mjeti ka marrë dëmtime plotësisht në pjesën e përparme. Grupi hetimor po punon për sqarimin dhe zbardhjen e plotë të rrethanave të ngjarjes.
