Prej së premtes, kur ishte parë për herë të fundit në Milano, supermakina “Audi e Verdhe”, konsiderohej e zhdukur. E vënë në kërkim të saj, policia u përball me një të papritur këtë të hënë. Një 32 – vjeçar shqiptar, i kërkuar për të ashtuquajturën çështjen “Audi i Verdhë” është paraqitur në Kuesturën e Torinos, për të sqaruar gabimin: “Nuk jam unë personi i kërkuar”, thotë ai. “Jam plotësisht i pafajshëm”.
I mbërritur nga Forli dhe pa leje qëndrimi, shqiptari shoqërohej nga një avokat torinez. Duke iu referuar fotografive të publikuara këto ditë në median italiane dhe rrjetet sociale, ai u shpjegoi hetuesve se njeh dhe dy personat shqiptarët e tjerë, të cilët nuk kanë asnjë dijeni për çfarë ka ndodhur.
Ata ndodhen në Shqipëri, madje njëri është i dënuar. Makina e inkriminuar është një “AudiRs4” ngjyrë e verdhë, e cila është vjedhur në aeroportin e Malpensës në Milano, më 26 dhjetorin të vitit të kaluar. Më 16 Janar u zbulua në Abano Terme dhe kur karabinierët u përpoqën ta ndalojnë, makina “fluturoi” me shpejtësi. Nisi këtu ndjekja e policisë, e cila u intensifikua pas një aksidenti rrugor, gjatë të cilit humbi jetën një grua.
Historia e “Audit të Verdhë” u shndërrua në një çështje kombëtare, madje në një faqe në Facebook, me 9000 ndjekës përshkruheshin me detaje lëvizjet e automjetit dhe në shumicën e rasteve, të pavërteta. /Tv Klan/
*Fotoja që u publikua ne media per shqiptaret e dyshuar te “Audit te verdhe”
