Sezoni i ri për skuadrën e Atletico Madrid ka nisur jo mirë, me dy barazime në dy takimet e para, ndaj Alaves dhe Leganes. Megjithatë, trajneri argjentinas Diego Simeone kërkon që skuadra të ruajë qetësinë edhe pse starti i kampionatit ka qenë i avashtë. “Na duhet të qëndrojmë të qetë dhe të vazhdojmë të punojmë. Të punojmë fort dhe me entuziazëm dhe shpejt do të zbulojmë se do të shkojmë larg. Nuk më vjen aspak turp nga këto dy barazime, por jam i bindur se kthesa do të vijë shume shpejt”, tha trajneri i “Colchoneros” për mediat pas barazimit të mbrëmshëm.
Më tej, trajneri argjentinas shtoi: “Unë jam i kënaqur me punën që bëj dhe me lojtarët që kam në dispozicion. Ndoshta në këto dy ndeshje kemi qenë pak nervozë në gjetjen e golit, por kemi krijuar shumë shanse dhe na ka munguar vetëm finalizimi. Në ndeshje të tjera kemi krijuar më pak dhe kemi shënuar. Ky është futbolli. Por ne do të vazhdojmë punën dhe pushimi 2-javor do të na shërbejë për të rikuperuar disa lojtarë që nuk janë në formën optimale”, tha Diego Simeone, që ende nuk ka në 100% të formës disa lojtarë që kanë qenë në Europian.
