Kryeqyteti grek është zgjuar nga një shpërthim i fuqishëm. Ai ka ndodhur në qendër të Athinës në orën 03:55 të mëngjesit të së martës me orën lokale greke në rrugën e “Ksenofondi”, pak metra nga “Sindagma”.
Policia greke raporton se objekt i sulmit ka qenë Dhoma e Federatës së Industrive Greke. Shpërthimi shkaktoi dëme të konsiderueshme në Dhomën e Industrive dhe në një hotel ngjitur, por fatmirësisht nuk pati njerëz të lënduar.
Ajo ç’ka u gjet ishte një pajisje me kurdisje e cila ishte e vendosur në një çantë udhëtimi prnë hyrjes së ndërtesës, shkruan Zougla.gr. Policia njoftoi se shpërthimi i bombës ishte paraprirë nga një telefonatë në redaksinë e një gazete ku u tha se një bombë do të shpërthente pas 40 minutash. Policia shkoi drejt vendit të ngjarjes, por pa mundur të çaktivizojë bombën, dhe ashtu sic u paralajmëroi ajo shpërtheu, duke shkaktuar zhurmë në qendër të kryeqytetit helen.
