Kronikë

Atentati në Tiranë, Preng Gjini u shoqërua për vrasjen e Kastriot Reçit


Bëhu pjesë e Grupit Zyrtar të Opinion.al
>> KËTU <<
               Publikuar në : 21:23 - 15/09/20 |
Opi Nion

Janë zbardhur të tjera detaje ne lidhje me atentatin e sotëm në Tiranë, ku mbeti i plagosur rëndë Preng Gjini, 51 vjeç.

Mësohet se Gjini është shoqëruar nga policia në lidhje me vrasjen e Kastriot Reçit, i cili u ekzekutua më 7 janar 2020 përpara lokalit të tij në qendër të Rreshenit. Gjini u mbajt më shumë se 12 orë në komisariat, por nuk u gjendën prova të cilat vërtetonin përfshirjen e tij në vrasjen e Reçit.

Dyshohej se Kastriot Reçi ishte i përfshirë në trafikun e lëndëve narkotike ndërsa ishte edhe pronar i një televizoni me seli në Lezhe “Media Plus” dhe një bar-kafe në Rrëshen me emrin “Mirdita”.

I plagosuri i sotëm Preng Gjini ndodhet në spital dhe po merr ndihmën e nevojshme mjekësore. Sipas informacioneve, nga shpërthimi i makinës kanë marrë plagë të lehta dhe dy persona të tjerë.

Ndërkohë, autoritetet vijojnë hetimet për zbardhjen e plotë të ngjarjes./ Opinion.al

Pas