Një viktimë dhe 4 të plagosur është bilanci i atentatit të ndodhur pasditen e sotme në një lokal në zonan e “Don Boskos” në Tiranë.
Mësohet se nga të shtënat me armë zjarri ka mbetur i vrarë Erion Çela 35-vjeç, ndërsa të plagosurit janë Arben Dani 46 vjeç i dëmtuar në këmbë, Azbi Selimaj 19 vjec i dëmtuar në shpatull, Blerim Çela 28 vjeç i dëmtuar në këmbën e djathtë dhe në fytyrë, vëllai i viktimës, i plagosur në bark dhe këmbë kam betur edhe Edmond Crroj 41 vjeç.
Të plagosurit janë transportuar për në spital për të marr mjekim mjekësor, ndërsa teupi i viktimës është transportuar për në morg.
Autorët kanë qëlluar me kallashnikov nga jashtë ambienteve të lokalit në drejtim të tavolinës ku ishin ulur të pestë personat. Sipas informacioneve, autorët janë afruar me një automjet tip “Benz” të zi me targa AA 125 UK, të cilat dyshohet se i janë vjedhur një Smart-i.
Shërbimet e Policisë kanë ngritur pika kontrolli në të gjitha pikat hyrëse-dalëse të Tiranës dhe në brendësi të lagjeve ku dyshohet se janë larguar personat./ Opinion.al
