Hekuran Billa është viktima e atentatit të ndodhur mbrëmjen e sotme tek Komuna e Parisit në Tiranë. Billës iu bë atentat teksa ishte duke udhëtuar me makinën e tij dhe pasi është qëlluar ai ka humbur kontrollin duke u përplasur me disa makina që ndodheshin në rrugë.
Ndërkohë, rezulton se Billa është një person me precedent penal. Ai ka qenë i dënuar në Angli për vrasje, ndërsa është ekstraduar në Shqipëri. Ai ka përfituar ulje dënimi dhe më pas është liruar me kusht nga gjykata e Krujës.
Sipas të dhënave, në 14 tetor 2006 Billa në atë kohë 28 vjeç ka ekzekutar në Angli Prel Markun 22 vjeç në një klub në Park Royal.
Billa u shpall fajtor dhe u dënua me burgim të përjetshëm, dënim i cili më pas u konvertua në 34 vite burg.. Në këtë ngjarje u plagos dhe Musa Prahmani, i cili arrit të shpëtojë duke u hedhur nga dritarja e kulbit. Pas vrasjes, Billa u largua në Danimarkë, për t’i shpëtuar policisë. Por, autoritetet arritën ta prangosnin. Billa ishte një pjesë e një bande përfshirë në prostitucion dhe trafikimin e njerëzve./ Opinion.al
