Ka folur për mediat Dile Lika, bashkëshortja e Myslim Likës, i cili ditën e sotme mbeti i plagosur gjatë një atentati me armë zjarri në Mamurras.
Dyshohet se atentati i sotëm ka lidhje me rasjen e dy biznesmenëve në Laç, Bujar Lika dhe Paulin Gjergj Marku, ku një nga bashkëpunëtorët ishte Ilir Xhepaj (Lika) djali i të plagosurit.
Në një intervistë për “News 24”, Dile Lika është shprehur se bashkëshorti i saj, por edhe persona afër tij e kanë parë atentatorin dhe përmend emrin e Zef Markut si njeriu që mund t’i ketë bërë atentat.
Kujtojmë se Zef Marku është plagosur me armë më 15 maj 2020 nga Ilir Xhepaj, ndërsa pas kësaj ngjarje ai ka marrë pjesë në atentatin e dy biznesmenëve.
“Myslimi ka qënë në varrimin e motrës së tij në Mamurras. U qëllua kur kthehej nga varrimi, teska shkonte për te shtëpia e motrës nga një makinë e zezë tip Volsëagen me xhama te zinj. Ai vetë dhe personat që ishin me të i kanë parë atentatorët. Është qëllua me plumb shumë afër zemrës. Bashkëshorti im ka vrarë Gëzim Çelikun dhe ka plagosur një shtetas italian. Iliri (djali) nuk ka gisht në vrasjen e Bujar Likës dhe Paulin Gjergjit se më tha merr babin e shkoni bëni be. Ne nuk shkuam të kërkonim falje se burri është sëmurë. Ka shkuar baba i Eduart Lames i kanë thënë babës së Bujar Likës se te unë ta kesh gjakun, te asnjë tjetër. Për atentatin ndaj Myslimit dyshoj te Zef Marku, nuk e lidh plagosjen e burrit me dy vrasjet. Për dy vrasjet mund ta kishin vrarë në Tiranë burrin tim. Ne kemi pasur kërcënime plot”,-tha Dile Lika./ Opinion.al
