Valter Bami ka dalë këtë të hënë para gjykatës për t’u njohur me masën e sigurisë.
Mësohet se prokuroria kërkoi për të masën “arrest me burg”, e cila u konfirmua nga togat e zeza.
37-vjeçari u arrestua pasditen e së enjtes dhe akuzohet për veprat penale “Mbajtje pa leje dhe prodhimi i armëve, armëve shpërthyese dhe i municionit”.
Bami u arrestua pasi gjatë marrjes në pyetje nga policia lidhur me atentatn në Larushk atij iu morën faktorë plotësues në duar nga ku rezultoi se kishte qëlluar me armë zjarri.
Bami dyshohet të jetë i përfshirë në atentatin e ndodhur më datë 4 Korrik në Krujë, ku mbeti i vrarë Ramazan Sino, kunati i Gentjan Bejtjes dhe u plagosën dy fëmijët e tij të mitur.
Vetë 37-vjeçari ka mohuar të ketë marrë pjesë në këtë ngjarja dhe ka pretenduar se në momentin e vrasjes ndodhej në shtëpi.
