Policia e Shtetit ka dhënë njoftim zyrtar në lidhje me të shtënat me armë që u regjistruan ditën e sotme në lagjen “Emin Matraxhiu” në Elbasan.
Autoritetet njoftojnë se kanë arrestuar një nga autorët e ngjarjes, i cili është identifikuar si Elvis Koçi (Çaushllari), 28 vjeç, banues në Elbasan. Po ashtu është shpallur në kërkim Migert Qosja, 25 vjeç, banues në Elbasan.
Policia sqaron se 28-vjeçari, duke drejtuar automjetin tip “Mazda”, është konfliktuar fizikisht me 25-vjeçarin, i cili drejtonte automjetin tip “Ford” dhe më pas të dy palët kanë qëlluar në drejtim të njëri-tjetrit me armë zjarri.
Si pasojë shtetasi Elvis Koçi është plagosur lehtë dhe për t’i shpëtuar Policisë, ka tentuar të mjekohej në spitalin ushtarak në Tiranë, por është arrestuar në flagrancë.
Ndërkohë, vijojnë kontrollet intensive nga Policia e Elbasanit, për kapjen e autorit të dytë të kësaj ngjarjeje, shtetasi Migert Qosja.
Materialet hetimore në ngarkim të dy shtetasve i kaluan Prokurorisë, për veprime të mëtejshme, për veprat penale “Vrasje me dashje” e mbetur në tentativë dhe “Armëmbajtja pa leje”.
