Arben Bilali, ish-punonjës policie, u qëllua sot për vdekje pranë zonës së Selitës në Tiranë. Mësohet se po në të njëjtin vend viktimës i janë vrarë dhe dy vëllezër të tjerë, Bujar Bilali në vitin 1998 dhe Leonard Bilali në vitin 2010. Pas vrasjes së vëllezërve të tij, “Balkan Web” bën me dije se Arben Bilali ishte ngujuar në një shtëpi të rrethuar me kamera sigurie.
Ish-punonjësi i policisë u ekzekutua teksa udhëtonte me mjetin tip ‘Honday’ me targa AA867HX. Ai ishte ulur në sediljen e pasme të mjetit dhe ka marrë disa plagë në kokë dhe në trup. Autorët qëlluan nga një mjet tip “Benz” dhe u larguan në drejtim të Unazës.
Ndaj Arben Bilalit ishte bërë një atentat dhe në vitin 2010. Ai u plagos rëndë pasi mori dy plumba, një në gjoks dhe një bark, por arriti të mbijetojë./E.M
