Një shqiptar është qëlluar me armë zjarri këtë mëngjes në Torvaianica të Italisë. Sipas mediave fqinje, dy persona të maskuar i janë afruar shqiptarit me një motor, ndërsa njëri prej tyre zbriti dhe e qëlloi me armë.
Mësohet se i plagosuri në kohën e atentatit ishte duke pushuar në plazh. Pasi u qëllua, ai është transportuar në gjendje të rëndë në spitalin San Camillo në Romë, ku po merr mjekimin e nevojshëm mjekësor.
Deri më tani ende nuk janë të qarta rrethanat e ngjarjes, ndërsa identiteti i shqiptarit nuk është bërë i ditur./Opinion.al
