Një atentat me armë zjarri ka ndodhur mbrëmjen e së mërkurës ndaj një shqiptari në qytetin e Kato Achaias, në Greqi.
Mediat greke shkruajnë se ngjarja ka ndodhur rreth orës 23:30, kur 43-vjeçari shqiptar po kthehej për në banesë.
Teksa ndodhej jashtë rrethimit të shtëpisë së tij, atij i është afruar një makinë e zezë e drejtuar nga një i panjohur, i cili ka nxjerrë armën, ia ka drejtuar 43-vjeçarit dhe e ka qëlluar nga afër nga brenda makinës.
Atentatorët qëlluan tre herë ndaj shqiptarit dhe u larguan me shpejtësi.
Si pasojë e të shtënave, 43-vjeçari mbeti i plagosur në bel, me njërën nga plagët depërtuese.
Fillimisht ai u transferua në Qendrën Shëndetësore Kato Achaia dhe më pas në spitalin e Rios për të marrë një kujdes më të specializuar mjekësor.
Në vendngjarje u gjetën dy gëzhoja pistolete 9 mm dhe një fishek i deformuar.\
Ende nuk dihen motivet e tentativës për të vrarë 43-vjeçarin. Autoritetet greke vijojnë hetimet.
