Astronautja amerikane, Christina Koch ka vendosur një rekord të ri historik. Ajo ka kryer fluturimin më të gjatë në hapësirë të kryer nga një grua, duke thyer kështu rekordin e mëparshëm prek 288 ditësh, i cili ishte vendosur nga ish-komandantja e Stacionit Hapësinor, Peggy Whitson mes viteve 2016-2017.
Koch, me profesion inxhiniere elektrike nga Livingstoni i Montanës mbërriti në Stacionin Ndërkombëtar Hapësinor më 14 Mars dhe pritet të qëndrojë aty plot 328 ditë, ose afro 11 muaj, përpara se të kthehet në Tokë.
Misionet janë zakonisht gjashtë mujore, por NASA njoftoi se do ta zgjasë misionin deri në shkurt, pasi kjo do të ndihmojë të mësojë më shumë në lidhje me efektet e fluturimeve të gjata në hapësirë, të dhëna këto të nevojshme për të mbështetur misionet e ardhshme për kërkime më të thelluara në hapësirë, në Hënë dhe Mars.
Kujtojmë se rekordi botëror është vendosur në vitet 1990 nga një astronaut rus në ish-stacionin hapësinor Mir, i cili qëndroi 15 muaj në hapësirë./Opinion.al
