Kreu i Partisë Demokratike, Sali Berisha ka komentuar sot aksionin e IKMT-së në Theth për shembjen e kabinave, të cilat dyshohet se janë ndërtuar pa leje.
Në një konferencë për mediat, Berisha theksoi se ky aksion është një terror dhe krim i shëmtuar mbi banorët.
Sipas tij, asnjë pëllëmbë tokë nuk është “tokë e xanun” por e trashëguar brez pas brezi.
“Një terror dhe krim i shëmtuar po ushtohet mbi banorët e Thethit, me këtë akt do të thosha kriminal, Edi Rama në mesin e sezonit turistik ka gjetur hakmarrjen ndaj Thrthit për të larguar edhe ata turistë që u shkojnë si burim i vetëm të ardhurash për atë komunitet.
T’i thuash çmenduri nuk është se është qëllim që bazohet në një urrejtjet patologjike të një njeri, përroi psikik i të cilit prodhon 24 orën urrejtje dhe negativitet.
Asnjë pëllëmbë tokë nuk është “tokë e xanun” është tokë e trashëguar brez pas brezi. Në rast se ata vërtetë në moszbatim të ligjit në tokë të tyre ka vendosur kabina, sigurisht ata kanë bërë një shkelje, por jo të ligjit për urbanistiken, sepse ndërtimet pa themel nuk i konsideron ndërtime pa leje, por ndërtime me deklarim.
Por cilido që të ishte situata e tyre, në kulmin e sezonit turistik kanë ardhur të tjerët nga Australia, kanë pronotuar nga Gjermani, Izraeli, Egjipti, nga Franca, Italia, kanë pronotuar pushimet dhe ky u dërgon aty banda me uniformë për t’jua çmontuar kabiniat dhe për zhvilluar një betejë kur banorë dhe turistë janë bërë së bashku.
Ky është një ç’fryrje urrejtjeje e një njeriu që përfaqëson një turp urrejtjeje njerëzore. Në qoftë se janë bërë shkelje, atëherë çdo shtet çon njoftimin e konstatimin.
Nuk ka shtet në botë që ndërhyn në mes të sezonit, kanë njoftime, kontrata. Prit të bjerë sezoni dhe vepto. Po zgjidhet mesi i sezonit si hakmarrje atërore. Ky është një shpirt kërmë”, tha Berisha.
