Portreti i Nënë Terezës i krijuar me gurë të çmuar nga artisti kontemporan Daniele Donde i është dhuruar në shenjë mirënjohje presidentit të Republikës. Ekspozita me veprat unike të Dondes vijon të qëndrojë e hapur në ambientet e hotel Rogner.
Në të parin prezantim në Tiranë, Daniele Donde, që veprat e tij e bëjne unik në krijmtarine botërore të artit të kohës, mes legjendave të Hollywood-it, qëndronte portreti i shqiptares, Nënë Tereza.
E punuar enkas për këtë ekspozitë, vepra që përjetëson me pak grimca të cmuara një fytyrë të paqtë, ishte dhurata që Donde mendoi për Presidentin e Republikës, Bujar Nishani.
“Ishte një dhuratë në shenjë mirënjohje për Shqipërinë mikëpritëse. Për miqësinë mes dy vendeve dhe për këtë grua të madhe. Ishte e drejtë që portreti të qëndronte në vendin e saj të origjinës”, ka thënë artisti.
E hapur prej tre ditësh në hotel Rogner, ekspozita e prezanton publikun me kryeveprat e klasikes, por të veshura të sotmen. Për Shqipërinë, artisti italian, mendoi që krijesat e tij, të realizuara me ar, perla, swarowski e gurë të tjerë të cmuar, të ofrohen me cmime të arritshme për të gjithë.
Ekspozita është e vizitueshme deri të dielën në Hotel Rogner.
