Këngëtari i njohur spanjoll, Camilo Sesto, ka ndërruar jetë mbrëmjen e shkuar në Madrid, në moshën 72-vjeçare.
Lajmin e hidhur e ka bërë të ditur menaxheri i tij, Eduardo Guervos, nëpërmjet një deklarate ku tregon se ndarja e tij nga jeta është një humbje e madhe për artin, veçanërisht për muzikën.
Mediat spanjolle shkruajnë se Sesto ndërroi jetë pas një ataku kardiak, ndërsa kryeministri spanjoll, shprehu ngushëllimet nëpërmjet një postimi në rrjetet sociale.
“E gjithë Spanja dhe bota që flet spanjisht dhe portugalisht do të vajtojnë humbjen e Camilo Sesto”- tha Kryeministri i Spanjës Pedro Sanchez në një shkrim në Twitter.
Sesto shiti më shumë se 100 milionë albume gjatë karrierës së tij, dhe ishte një nga legjendat e muzikës spanjolle./Opinion.al
