Pedagogu Artan Fuga, si gjithmonë tejet aktiv në debatet publike, nuk kishte si të qëndronte pasiv edhe në ngjarjet e ditëve të fundit por mbi të gjitha të sotme, ku shembja e gardhit rrethues të asaj që do të jetë Këndi i Lojrave për Fëmijë në Parkun Kombëtar të Liqenit Artificial, degjeneroi në përplasje fizike midis aktivistëve të shoqërisë civile dhe policisë së shtetit. Nëpërmjet një statusi në profilin e tij në fb, Fuga i kujton Erion Veliajt, se urbanizimi i qytetit nuk bëhet me forma të dhunshme…
POSTIMI I FUGES
Urbanizimi i kryeqytetit nuk mund te kryhet ne forma brutale, te dhunshme, duke mbytur zerin qytetar. Administrimi i territorit kerkon metoda demokratike, degjimin e zerit te qytetareve. Referendume.
Shoh ne foto nga larg dhe dalloj fytyra ish studentesh te mi qe i njoh per qytetare shembullore qe ndjehen te poshteruar dhe dhunuar..
Ata duhen degjuar dhe konsultuar jo perballur me police. Nuk duhen cuar gjerat ne kete pike. Autizmi i pushteti lokal prodhon violence.
Ne duam nje qytet te paqte, jo skena dhune ne Tirane.As improvizime naive ne urbanistike. Jo gjate fushates elektorale qingj e pasi merr votat ujk. Larg pushtetit te parase dhe korrupsionit !
Duhen degjuar keshilltaret e pushtetit lokal. Specialistet. Duhen degjuar qytetaret e Tiranes.
Duam pergjegjesi civile. T’i kthehemi arsyes. Argumenta dhe vendimarrje demokratike jo propagande, cinizem dhe konfrontime te pushtetit lokal me qytetaret.
Kurre Mjafti nuk eshte dhunuar pavaresisht spektakleve qe ka bere dikur.
Kuptojeni rinine. Pasuesit e Krishtit per nje kohe u bene inkuizitore.
Rreshkitje nga dehja me pushtet kur je katapultuar atje pa pervoje dhe edukate demokratike, nje pushtet qe ta kane falur si dhurate.
Pushteti eshte i qytetareve. Sherbetori nuk mund te dhunoje zotnine !
