Arsene Wenger do të largohet nga Arsenal pas 22 vitesh si trajner. Vendimi i tij i shoqëruar me një komunikate në faqen zyrtare të Topçinjve të Londrës. “Pas një vlerësimi të kujdesshëm dhe diskutimit me klubin, mendoj se është momenti i duhur të dorëhiqem në fund të sezonit” – janë fjalët që nisin deklaratën e Wenger.
68-vjeçari i jep mund qëndrimit të tij tek Arsenal që nisi më 1 tetor të 1996. Kundërshtimet e tifozëve në sezonet e fundit ia bënë më të vështirë qëndrimin edhe pse drejtuesit ia zgjatën kontratën deri në 2019. Arsene Wenger fitoi me Arsenal 3 tituj kampion në Premier League dhe 7 Kupa të Federatës. Wenger nuk arriti të merrte një trofe kontinental edhe pse Arsenal mbërriti në finalen e Kupës UEFA në vitin 2000 dhe Champions League në 2006.
