Partia Socialiste dhe Partia Demokratike kanë rënë dakord këtë të mërkurë për Reformën Zgjedhore.
Lista do të jetë 1/3 e mbyllur, 2/3 pa herës ndërsa me vote natyrale, kalon ai që ka marrë një votë më shumë. Dakordësia është arritur edhe për votën e emigrantëve.
Argumenti që kanë sjellë për këtë vendim është ruajtja e kuotave gjinore.
“Partia politike ose koalicioni zgjedhor, në kuptim të nenit 65, që është regjistruar në KQZ si subjekt zgjedhor për zgjedhjet në Kuvend, depoziton në KQZ për çdo zonë zgjedhore, jo më vonë se 50 ditë para datës së zgjedhjeve:
- a) listën shumëemërore të fiksuar të kandidatëve; dhe
- b) listën shumëemërore të kandidatëve që i nënshtrohen votimit parapëlqyes.
Emrat në listën shumëemërore të fiksuar të kandidatëve të subjektit zgjedhor paraqiten të renditura sipas rendit shifror, duke filluar nga numri një. Për koalicionet përbri emrit të kandidatit shënohet cilës parti i përket kandidati. Numri i përgjithshëm i kandidatëve në listën e fiksuar është i barabartë me numrin e mandateve për çdo zonë zgjedhore pjesëtuar për tre.
Nëse kjo formulë do të ishte aplikuar në vitin 2021, 31 deptuetë do të ishin zgjedhur të mbështetur nga vota e qytetarëve ndërsa 109 të tjerë do të ishin të mbrojtur/favorizuar nga renditja e partisë.
Ky është një numër më i lartë se në vitin 2021 ku përfituan nga vota parapëlqyese vetëm 3 kandidatë.
