Policia italiane ka arrestuar një shtetas shqiptar në aeroportin e “Pio La Torre” të Comiso, pasi po përpiqej të hipte në avion me dokumente false, me destinacion Londrën.
Ai është 24-vjeçari Emiljan Demaj, i cili gjatë marrjes në pyetje ka deklaruar se e kishte blerë kartën false të identitetit për një mijë euro.
Në fillin ai u prezantua para policisë si shtetas italian, por më vonë iu zbulua mashtrimi. Sipas dokumentit, në fakt, njeriu duhej të quhej Puglisi dhe të kishte lindur në Catania, qyteti ku ai aktualisht jetonte. Sipas hetimeve, referencat personale u ishin marrë një të dënuari.
Një detaj që ka bërë policinë të dyshojë ka qenë qëndrimi i shqiptarit, i cili nuk i është përgjigjur disa pyetjeve që iu bënë, duke pretenduar se nuk i kishte dëgjuar. Kontrollet e mëtejshme kanë treguar se dokumenti ishte falsifikuar.
Gjatë kontrollit, policia sekuestro edhe një celular, i cili do të shqyrtohet për ndonjë lidhje me elemente ekstremiste, shkruajnë mediat italiane.
Demaj u arrestua dhe u transferua në burgun e Raguzës. Ai rrezikon një dënim nga dy deri në pesë vjet.
Ky është shqiptari i disatë që kapet brenda pak ditësh në aeroportet italiane. Të gjithë kanë pasur destinacion Londrën.
