Një 41-vjeçari nga Berati, Olti Dulçe, është arrestuar nga policia greke gjatë një operacioni të zhvilluar në Trikalas.
Sipas mediave greke ai është i dënuar me 65 vjet burg në Greqi për disa ngjarje, përfshirë vrasje si dhe është akuzuar për vrasjen e avokatit Michalis Zafeiropoulos.
Policia greke gjatë fundjavës zbuloi një grup që fuste dhe tregtonte drogë brenda burgut të Trikallas dhe çoi në pranga 7 persona, mes tyre dy të dënuar.
Sipas mediave greke puna organizohej nga 41 vjeçari Olti Dulçe. Dy persona nga jashtë burgut ia dorëzonin çantat tre personave të tjerë, të cilët arrinin t’i fusnin ato brenda burgut të Trikallas duke ia dorëzuar një të burgosuri gjatë takimeve me të.
Ky i fundit më pas ia dorëzonte Dulçes, i cili e shiste drogën brenda ambienteve të burgut.
Sipas policisë greke, mësohet se grupi të ketë fituar rreth 50 mijë euro nga tregëtia e drogës. Gjatë kontrolleve në qelitë e dy të burgosurve, janë gjetur dhe sekuestruar 8 pako me 33.6 gram heroinë, 1 pako me 1.6 gram kokainë, 5 canta, 5 thika, 5 kapakë stilolapsi që shërbenin për peshimin e drogës, 1 celular dhe 1 fish karikuesi.
Ndërsa gjatë kontrolleve tek pesë të arrestuarit e tjerë në Athinë, u sekuestrua 1 pako me 34.6 gram cannabis, 2 cigare duhan e përzier me cannabis, 1370 euro, 2 peshore dhe 5 celularë./Opinion.al
