Polica e Elbasanit ka arrestuar një 39-vjeçar në afërsi të fshatit Hajdaran pasi nga kontrolli i kryer i gjeti 50 doza kokainë në makinë.
Sipas burimeve të policisë, nga kontrollet e ushtruara për parandalimin e shpërndarjes së drogërave të forta Specialistët për Hetimin e Narkotikëve dhe Trafiqeve në bashkëpunim me Shërbimet Operacionale në Drejtorinë Vendore të Policisë Elbasan kanë finalizuar me sukses operacionin “Bradasheshi”
Konkretisht u arrestua në flagrancë E.R 39 vjeç, banues në Elbasan.
Gjatë kontrollit të automjetit të shtetasit u sekuestruan 50 doza lëndë narkotike e dyshuar e llojit kokainë; 7 aparate celular, automjeti me të cilin lëvizte; 20 000 lekë të reja, të cilat dyshohen se janë përfituar nga shitja e lëndës narkotike.
Materialet hetimore i kaluan Prokurorisë pranë Gjykatës së Shkallës Parë Elbasan për veprën penale “Prodhimi dhe shitja e narkotikëve”. /Opinion.al
