Policia e Kavajës ka arrestuar një 44-vjeçar pasi një ditë më parë ka goditur me grushte arbitrin kryesor të ndeshjes Luzi-2008-Lushnja.
44-vjeçari i identifikuar me inicialet A.L. ka goditur arbitrin në momentin kur po shkonte te dhoma e zhveshjes.
“Në përfundim të ndeshjes “Luzi-2008-Lushnja”, në momentin që lojtarët dhe arbitrat po hynin në dhomat e zhveshjes, ka goditur arbitrin kryesor të ndeshjes. 44-vjeçari me iniciale A. L. është neutralizuar menjëherë nga shërbimet e Policisë dhe është vënë në pranga”, tha policia në një njoftim për mediat.
Ndaj 44-vjeçarit rëndon akuza “Goditja e sportistit, trajnerit, arbitrit, ndërmjetësit sportiv”.
