Policia ka arrestuar një jurist të kadastrës së Vlorës, i cili akuzohet për falsifikim të dokumenteve.
“Specialistët për Hetimin e Krimit Ekonomik dhe Financiar në Drejtorinë Vendore të Policisë Vlorë, në vijim të punës për parandalimin, evidentimin dhe goditjen e veprimtarisë kriminale në fushën e falsifikimit të dokumenteve, në bashkëpunim me Prokurorinë e Vlorës, ndaluan shtetasin: H. Sh., 56 vjeç, banues në Vlorë, me detyrë jurist pranë Agjencisë Shtetërore të Kadastrës, Vlorë”, njofton policia.
Ndaj 56-vjeçarit, Gjykata e Shkallës së Parë Vlorë ka caktuar masën e sigurisë “Arrest në burg”, për veprën penale “Falsifikimi i dokumenteve”.
Sakaq, autoritetet informojnë se hetimet për këtë shtetas janë kryer nga Seksioni i Krimit Ekonomik në Drejtorinë e Policisë Vlorë dhe Prokurorinë e këtij qyteti, për një periudhe 1-vjeçare. Materialet iu referuan në Prokurorinë pranë Gjykatës së Shkallës së Parë Vlorë, për veprime të mëtejshme./Opinion.al
