Policia ka arrestuar autorin e një aksidenti që la të plagosur tetë persona mbrëmjen e djeshme në aksin rrugon Gjashtë-Sarandë.
Sipas burimeve të policisë bëhet e ditur se ka rënë në pranga shtetasi L. Th., 28 vjeç, banues në fshatin Veliqot, Tepelenë.
Arrestimi i tij u bë pasi ditën e djeshme në aksin rrugorë Gjashtë-Sarandë, 28 vjeçari duke drejtuar automjetin Mercedes Benz ka goditur dhe është përplasur me automjetin Land Rover, me drejtues shtetasin kosovarë B.B.
Si pasoje kanë mbetur të dëmtuar dy drejtuesit e mjeteve dhe gjashtë pasagjerë, të cilët janë jashtë rrezikut për jetën.
Materialet iu referuan Prokurorisë në ngarkim të tij për veprime të mëtejshme. /Opinion.al
