Policia e Durrësit ka arrestuar një person të dënuar për vrasje. Ilir Haku 46 vjeç, banues në Durrës është arrestuar pasi ishte dënuar nga Gjykata e Durrësit për vrasjen e Afrim Llanajt.
Në datën 7 shtator 2017, Haku dhe Llanaj kanë pasur një konflikt me njëri-tjetrin në zonën e tregut industrial në Durrës. Gjatë përleshjes 46-vjecari ka goditur me thikë Llanajn i cili fillimisht mbeti i plagosur por ndërroi jetë pas 5 ditësh në spitalin e Durrësit.
Në momentin e ngjarjes autori u arrestua por u la i lirë pas dyshohej se vdekja kishte ardhur si pasojë e një infarkti. Ekspertiza e më vonëshme vërtetoi se viktima humbi jetën për shkak të plagëve të marra nga goditjet me thikë.
Gjykata e Durrësit e ka dënuar Hakun me 6 vjet e 8 muaj burgim, nga të cilat i kanë mbetur për të vuajtur edhe 4 vjet e 6 muaj e 13 ditë burgim për veprën penale “Plagosja e rëndë me dashje “.
Materialet hetimore i kaluan Prokurorisë për veprime të mëtejshme. /Opinion.al
