Policia e Tiranës ka arrestuar 20 persona gjatë fundjavës. Mes të arrestuarve gjatë masave për rritjen e sigurisë në vend, janë dy persona për vrasje të mbetur në tentativë.
Të arrestuarit janë dy vëllezërit Ismail Ago, 27 vjeç dhe Ernis Ago, 23 vjeç, për të cilët Gjykata e shkallës së Parë Tiranë me vendime të ndryshme të datave 14 tetor 2015 dhe 28 janar 2016 ka vendosur masën e sigurimit “Arrest në burg”.
Nga veprimet hetimore ka rezultuar se me datë 10.09.2015 të dy këta shtetas në Rrugën e Elbasanit, pranë varrezave të Dëshmoreve kanë tentuar për të vrarë me mjete prerëse shtetasin D.D.
Gjithashtu janë arrestuar: Konkretisht :
4 shtetas të arrestuar për “Dhunë në familje”
1 shtetas i arrestuar për ndërtim të paligjshëm
4 shtetas në fushën e narkotikëve
5 shtetas për “Drejtim mjeti në mënyrë të pa rregullt”
2 shtetas për “Vjedhje të energjisë elektrike ”
4 shtetas për “Vjedhje dhe vjedhje me anë të mashtrimit”.
Janë sekuestruar në cilësinë e provës materiale, dozat e lëndës narkotike e dyshuar Canabis Sattiva që u janë gjetur nga kontrolli të arrestuarve në flagrance.
