Dy farmacistë kanë rënë në pranga gjatë operacionit “Pangea X” dhe akuzohen për kontrabandë ilaçesh.
Ato janë: Enval Xhoxhi, 31 vjeç, banues në Tiranë dhe Kozeta Ylli, 47 vjeçe, banuese në Tiranë.
Policia tha se arrestimi i tyre u krye pasi ushtronin tregtim dhe transportim të mallrave që janë kontrabandë në farmacitë që menaxhonin.
Janë sekuestruar në total në cilësinë e provës materiale 90 medikamente farmaceutike kontrabandë :
– 42 medikamente farmaceutike të gjetura në farmacinë që menaxhonte shtetasi Enval Xhoxhi.
– 48 medikamente farmaceutike kontrabandë të gjetura në farmacinë që menaxhonte shtetasia Kozeta Ylli.
Policia dërgoi dosjet në prokurori për veprat penale “Tregtim dhe transportim i mallrave kontrabande”, “Fshehje të ardhurave dhe Shkelje e të drejtave të pronësisë industriale/intelektuale.
