Policia e Tiranës ka vënë në pranga 4 persona në Tiranë me akuzën e trafikimit të lëndëve narkotike nëpër zona të ndryshme të Tiranës. Ndërsa një tjetër person është shpallur në kërkim.
Policia njofton se Specialistët e Seksionit të Hetimit të Narkortikëve, në bashkëpunim me Sektorin e Forcës Operacionale, në Drejtorinë Vendore të Policisë Tiranë, janë arrestuar shtetasit:
Ermal Çela, 30 vjeç, banues në Tiranë
Për të cilin Gjykata e Shkallës së Parë për Krimet e Renda Tiranë, me vendimin penal të datës 05.05.2017, ka caktuar masën e sigurisë “Arrest me burg”
– Zamir Kuçana, 28 vjeç, banues në Tiranë
– Franc Beqiraj, 26 vjeç, banues në Tiranë
– Bledar Kovaçi, 35 vjeç, banues në Tiranë
Për këta shtetas Gjykata e Shkallës së Parë Tiranë, me vendimin penal të datës 29.04.2017, ka caktuar masën e sigurisë “Arrest me burg”
Gjithashtu po punohet për kapjen e shtetasit – A. L., 30 vjeç, banues në Tiranë.
Në bashkëpunim me Prokurorinë Pranë Gjykatës së Shkallës së Parë Tiranë dhe Prokurorinë për Krimet e Rënda, për shtetasit e sipërpërmendur, është dokumentuar me fakte dhe prova ligjore se këta shtetas ushtronin aktivitetin kriminal të trafikimit dhe shpërndarjes së lëndëve narkotike, në vende dhe zona të ndryshme në Kryeqytet.
Materialet proceduriale i kaluan Prokurorisë, për veprat penale “Prodhimi dhe shitja e narkotikëve” dhe “Trafikimi i narkotikëve”, parashikuar nga Nenet 283/2 dhe 283/a/2 të Kodit Penal
