Arrestimi/ Kërkonte seks, por gjen qelinë e Policisë

Një 53 vjeçar është ndaluar sot nga Policia e Lezhës pasi akuzohet se ka përndjekur një 43 vjeçare me qëllim kryerjen e marrëdhënieve seksuale. Gruaja nga Lezha ka bërë kallëzimin në Polici, duke sjellë edhe arrestimin e personit me iniciale P.GJ. Të dy shtetasit banojnë në fshatin Grykë Manati ku edhe kishin njohje me njëri-tjetrin më herët. Gruaja me iniciale V.N. ka kallëzuar në Policinë e Lezhës një ditë më parë, se teksa lëvizte në fshat, ajo është përndjekur nga 53-vjeçari, i cili sipas dëshmisë së gruas para efektivëve, donte të kryente marrëdhënie seksuale me të. Pas dëshmisë, Policia ka arrestuar rreth orës 16:00 53-vjeçarin, i cili akuzohet për veprën penale të përndjekjes.